Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քննարկվեցին նախադպրոցական համակարգին վերաբերող հարցեր
22.11.2012
ՀՀ Արմավիրի մարզպետարանի աշխատակազմի կրթության, մշակույթի և սպորտի վարչության նախաձեռնությամբ հրավիրված խորհրդակցությանն այսօր քննարկվեցին նախադպրոցական համակարգին վերաբերող հարցեր: Քննարկմանը ներկա էին ՀՀ կրթության և գիտության նախարարության նախադպրոցական գծով գլխավոր մասնագետ Հասմիկ Միտոյանը, մարզի նախադպրոցական հաստատությունների տնօրենները:
ՀՀ Արմավիրի մարզպետարանի աշխատակազմի կրթության, մշակույթի և սպորտի վարչության պետ Գայանե Սայադյանը կարևորելով նախադպրոցական կրթական համակարգի դերը երեխաների հետագա կրթության և դաստիարակության գործում` կոչ արեց ոլորտի պատասխանատուներին ամենայն լրջությամբ վեաբերվել իրենց վերապահված գործառույթներին:
Ապա ՀՀ կրթության և գիտության նախարարության նախադպրոցական գծով գլխավոր մասնագետ Հասմիկ Միտոյանը ներկաների ուշադրությունը հրավիրեց նախադպրոցական հաստատություններում փաստաթղթավարության, կադրերի ընտրության, երեխաների ընդունելության կարգի, նրանց տրամադրվող սննդի որոկի և նախադպրոցական կրթական ծրագրերի վրա:
