Արմավիրի մարզպետի աշխատակազմ

Այսօր ՀՀ Արմավիրի մարզպետարանում տեղի ունեցավ պարգևատրման արարողություն: Գեներալ-լեյտենանտ, պաշտպանության նախարարի խորհրդական Մուրադ Սարգսյանը պատվոգրեր հանձնեց նախորդ տարում ռազմագիտություն առարկայի օլիմպիադայում առաջատար տեղեր գրաված աշակերտներին: Պարգևատրվեցին մի շարք դպրոցների տնօրեններ և զինղեկներ՝ մատաղ սերնդի ռազմահայրենասիրական դաստիարակության գործում ակտիվ մասնակցության համար: Ամփոփիչ ելույթով հանդես եկավ  փոխմարզպետ Լարիսա Մուրադյանը՝ նշելով. <<Մարզպետ Աշոտ Ղահրամանյանի և բոլորիս անունից շնորհակալություն ենք հայտնում՝  մարզում ռազմական և հայրենասիրական ոլորտում զգոնության ու կարգապահական ուշադրության ուղղությամբ տարվող մշտական աշխատանքների համար: Այդ ամենը նպաստում է սերունդների մարտական ոգու բարձրացմանը >>: