Տեղեկատվական կենտրոն
Նորություններ
Մարզպետը շարունակում է այցել համայնքներ և տեղում ծանոթանում առկա հիմնախնդիրներին
11.03.2013
Վերջին օրերին ՀՀ Արմավիրի մարզպետ Աշոտ Ղահրամանյանը մարզպետարանի աշխատակազմի կառուցվածքային ստորաբաժանումների պատասխանատուների ուղեկցությամբ այցելել է մարզի մի շարք համայնքներ, հանդիպել բնակիչների հետ, հետաքրքրվել նրանց հուզող հարցերով, համայնքներում առկա հիմնախնդիրներով:
Համայնքների մեծ մասում դեռևս օրախնդիր է մնում ոռոգման և խմելաջրի հարցը, ճանապարհների անմխիթար վիճակը, գյուղտեխնիկայի բացակայությունը, հողերի ագրոքիմիական կարգերի ճշգրտումը, կապույտ վառելիքի հասանելիությունը, նախադպրոցական և մշակութային օջախների հիմանանորոգումը: Այս և մի շարք այլ բնույթի հարցեր են բարձրացրել համայնքների բնակիչները` մարզպետի հետ հանդիպմանը:
Կիսելով բնակիչների մտահոգությունները` մարզպետ Աշոտ Ղահրամանյանը ներկայացրել է մարզային տնտեսության տարբեր ոլորտներում նախատեսվող ծրագրերն ու առաջիկա անելիքները, խոսել վերջին տարիներին մարզում իրականացված աշխատանքների, գրանցված արդյունքների մասին` միաժամանակ հավաստիացնելով, որ ըստ առաջնահերթության բոլոր բարձրացված խնդիրներին լուծում է տրվելու և արվելու է հնարավորը` մարզի ազգաբնակչության համար առավել բարեկեցիկ և անհոգ կյանք ապահովելու համար: