Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աշոտ Ղահրամանյանն ընդունեց Հայաստանում Միացյալ Թագավորության համատեղ դեսպաններից Ջոնաթոն Ջեյմս Էյվսին
15.03.2013
ՀՀ Արմավիրի մարզպետ Աշոտ Ղահրամանյանն այսօր ընդունեց Հայաստանում Միացյալ Թագավորության համատեղ դեսպաններից Ջոնաթոն Ջեյմս Էյվսին: Նա ողջունեց դեսպանի այցն Արմավիրի մարզ և ընդհանուր տեղեկություններ ներկայացրեց մարզի վերաբերյալ.
<<Արմավիրը գյուղատնտեսական ուղղվածության մարզ է և ապահովում է հանրապետությունում գյուղմթերքի ընդհանուր ծավալի շուրջ 25-30 տոկոսը>>,- ասաց մարզպետ Աշոտ Ղահրամանյանը` ընդգծելով, որ վերջին տարիներին մարզում կտրուկ աճել է մրգի և բանջարեղենի արտադրության ծավալը, որն էլ ըստ նրա` պայմանավորված է հողագործին ցուցաբերվող պետական աջակցության տարաբնույթ ծրագրերով: Այնուհետև նա ներկայացրեց ոլորտում դեռևս առկա խնդիրների լուծման ուղղությամբ տարվող աշխատանքները:
Մարզպետը տեղեկացրեց, որ մեծ ուշադրություն է դրաձվում կրթօջախների վերանորոգմանը, կրթադաստիարակչական գործընթացի արդյունավետ կազմակերպմանն ու դպրոցականների գեղագիտական զարգացմանը: Նա ներկայացրեց ոլորտում իրականացված և նախատեսվող ծրագրերը, խոսեց աշակերտների առաջադիմության, տարբեր օլիմպիադաներում նրանց մասնակցության և գրանցված արդյունքների մասին:
Մարզպետ Աշոտ Ղահրամանյանն անդրադարձավ նաև առողջապահության ոլորտին և մասնավորապես խոսելով Համաշխարհային բանկի «Առողջապահական համակարգի արդիականացում» վարկային ծրագրի շրջանակներում շուրջ երեք տարի առաջ վերանորոգված "Արմավիր" բժշկական կենտրոնի գործունեության, բուժծառայությունների ընդլայնված ցանկի և որակի մասին` վստահեցրեց, որ այն կարելի է համարել Հայաստանի առաջատար բուժսպասարկման կենտրոններից մեկը, որը համագործակցված աշխատում է նաև հանրապետության լավագույն մասնագետների հետ և հոգում մարզի ազգաբնակչության առողջական խնդիրները:
Մարզպետը ներկայացրեց նաև մարզի պատմամաշակությին նկարագիրը, արտաքին հարաբերությունների բնագավառում իրականացված աշխատանքները, արձանագրված հաջողություններն ու նախատեսվող անելիքները:
Շնորհակալություն հայտնելով մարզպետ Աշոտ Ղահրամանյանին ջերմ ընդունելության և մարզի վերաբերյալ հետաքրքրական տեղեկություններ ներկայացնելու համար` դեսպան Ջոնաթոն Ջեյմս Էյվսին շնորհավորեց նրան մարզում արձանագրված հաջողությունների համար և նշեց, որ կփորձի կապեր հաստատել Արմավիրի մարզի և Միացյալ Թագավորության որևէ նահանգի միջև:
Հանդիպման ընթացքում պայմանավորվածություն ձեռք բերվեց աշնանը բրիտանական դեսպանատան կողմից կազմակերպվող ֆորումին մարզպետ Աշոտ Ղահրամանյանի մասնակցության վերաբերյալ, որն էլ ըստ դեսպանի` կխթան հետագա համագործակցությունը:
