Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քննարկվեցին երկաթուղային ենթակառուցվածքների բարելավմանը վերաբերող հարցեր
27.03.2013
ՀՀ Արմավիրի մարզպետ Աշոտ Ղահրամանյանն այսօր ընդունեց «Հարավկովկասյան երկաթուղի» ՓԲԸ-ի գլխավոր տնօրեն Վիկտոր Ռեբեցին: Հանդիպմանը ներկա էին նաև Արմավիրի մարզը և մարզպետարանի աշխատակազմը ներկայացնող ոլորտի պատասխանատուներ:
Հանդիպման ընթացքում քննարկվեցին «Հարավկովկասյան երկաթուղիներ» ընկերության «Արմավիր» կայարանի մերձակայքում գտնվող ստորգետնյա անցման բարեկարգման, հետագա շահագործման և «Էջմիածին» կայարանի Ջրառատ համայնքի տարածքով անցնող երկաթուղու համապատասխան հատվածում վերգետնյա անցում կառուցելու հարցերը:
«Հարավկովկասյան երկաթուղի» ՓԲԸ-ի գլխավոր տնօրենը հավաստիացրեց, որ մեկ շաբաթվա ընթացքում կուսումնասիրեն Ջրառատ համայնքի տարածքով անցնող երկաթուղու նախանշված հատվածում վերգետնյա անցում կառուցելու հարցը և արդյունքների մասին կտեղեկացնեն: «Արմավիր» կայարանի մերձակայքում գտնվող ստորգետնյա անցման բարեկարգման և ընթացիկ սպասարկման աշխատանքներով էլ կզբաղվի Արմավիրի քաղաքային իշխանությունը՝ համագործակցելով ընկերության մարզային պատասխանատուների հետ:
Պայմանավորվածություն ձեռք բերվեց «Հարավկովկասյան երկաթուղիներ» ընկերության «Արմավիր» կայարանում ընդլայնել մատուցվող ծառայությունների ցանկն ու ազգաբնակչության համար ստեղծել սպասարկման առավել հարմարավետ և ժամանակակից պայմաններ:
