Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Պարգևատրվեցին մարզային «ArtExpo» ցուցահանդեսի և մարզային մշակութային մրցույթ-փառատոնի մասնակիցները և հաղթողները
28.03.2013
ՀՀ Արմավիրի մարզպետ Աշոտ Ղահրամանյանն այսօր հանդիսավոր պայմաններում շնորհակալագրեր և պատվոգրեր հանձնեց Միջհամայնքային մշակութային 2-րդ ցուցահանդեսի (մարզային «ArtExpo») և Մարզային մշակութային մրցույթ-փառատոնի մասնակիցներին և հաղթողներին: Միջոցառմանը ներկա էին ՀՀ Արմավիրի մարզպետի տեղակալները, մարզպետարանի աշխատակազմի ղեկավարը, կառուցվածքային ստորաբաժանումների պատասխանատուները, մարզի քաղաքային համայնքների ղեկավարներն ու պատասխանատու այլ անձինք:
Մարզային «ArtExpo» ցուցահանդեսը և Մարզային մշակութային մրցույթ-փառատոնն իրականացվում է ՀՀ տարածքային կառավարման և Մշակույթի նախարարությունների նախաձեռնությամբ և մարզպետարանների գործուն աջակցությամբ` լավագույն առիթ հանդիսանալով մարզերի համայնքների մշակութային գործունեությունը հանրորեն ներկայացնելու, գնահատելու, ինչպես նաև փորձի փոխանակման համար:
Մարզային «ArtExpo» 2-րդ ցուցահանդեսին և մրցույթ-փառատոնին Արմավիրի մարզը մասնակիցներ է ներկայացրել հայտարարված 22 անվանակարգում և նրանցից 12-ում ունեցել է հաղթողներ: Բոլոր հաղթողները ՀՀ մշակույթի նախարարության կողմից արժանացել են պատվոգրերի և դրամական պարգևների:
Այսօր արդեն ծրագրի մասնակիցներիը և հաղթողները պարգևատրվեցին մարզպետ Աշոտ Ղահրամանյանի կողմից: Նա բարձր գնահատեց համայնքների օրինակելի, միասնական նաև տեղայնացված մասնակցությունը ծրագրին և գրանցած հաջողությունները, ինչն ըստ մարզպետի՝ նոր շունչ է հաղորդելու համայնքների մշակութային զարգացմանը:
