Արմավիրի մարզպետի աշխատակազմ

Սիրելի ուսուցիչներ,

Ջերմորեն շնորհավորում եմ ձեր մասնագիտական տոնի՝ Ուսուցչի օրվա առթիվ։
Հայ մարդը դարեր շարունակ ակնածանքով և մեծարանքով է գնահատել մանկավարժի գործը` նրան վերապահելով նոր սերնդի կրթության և քաղաքացու ձևավորման դժվարին աշխատանքը:

Սա տոն է մեր ողջ ժողովրդի համար, քանի որ անգնահատելի է ձեր դերը մատաղ սերնդի կրթության, նրա հայեցի դաստիարակության ու ազգապահպանման գործում: Եվ ամենևին էլ պատահական չէ, որ ուսուցչի աշխատանքը միշտ մեծ հարգանք է վայելել մեր ժողովրդի կողմից և ուսուցչի նկատմամբ սերն ու հարգանքը յուրաքանչյուր մարդ պահպանում է ողջ կյանքի ընթացքում:

Այս օրը կոչված է մեծարելու նրանց, ովքեր իրենց ամենօրյա աշխատանքով նախապատրաստում են Հայաստանի վաղվա օրը, ովքեր կարողանում են, անկախ առկա խնդիրներից ու հոգսերից, սփռել լույս դեպի գիտելիքը, դեպի հավատն ու իրական արժեքները:

Շնորհակալ ենք ձեր նվիրվածության և անխոնջ աշխատանքի համար։
Մեկ անգամ ևս շնորհավորելով բոլորիդ այս գեղեցիկ տոնի կապակցությամբ` մաղթում եմ անձնական երջանկություն, անսպառ եռանդ և ստեղծագործական հաջողություններ, բարեկեցություն և հաջողություն ձեր ազգապահպան գործում:
Շնորհավո՛ր տոնդ, սիրելի՛ ուսուցիչ:

ՀՀ Արմավիրի մարզպետ

Աշոտ Ղահրամանյան