Արմավիրի մարզպետի աշխատակազմ

Տնտեսական համագործակցության հարցերով հայ-իրաքյան միջկառավարական համատեղ հանձնաժողովի երկրորդ նիստի շրջանակներում Հայստանում գտնվող իրաքյան գործարար Ջալալ Իբրահիմ Կարիմն այսօր Արմավիրի մարզպետարանում հանդիպեց մարզի չրարտադրողների հետ, ծանոթացավ վերջիններիս կողմից արտադրվող չրատեսակներին:

Իրաքյան գործարարին ներկայացվեցին տարբեր անուշահամ մրգերից և հատապտուղներից պատրաստված չրեր` առանց հավելանյութերի, բարձր որոկական հատկանիշներով և ապրանքային գեղեցիկ տեսքով:

Ջալալ Իբրահիմ Կարիմը հիմնականում հետաքրքրվեց սալորի և ծիրանի չրերի արտադրության ծավալով ու շուկայական արժեքով` խոստանալով վերլուծել առաջարկվող պայմանները, և նպատակահարմարության դեպքում փոխգործակցություն սկսել:

Մարզի չրարտադրողները փոխշահավետ գործակցության պատրաստակամություն հայտնեցին` միաժամանակ վստահեցնելով, որ իրենց արտադրաքը համային և որակական հատկանիշներով գերազանցում է այլ շուկաներում առաջարկվող մրգաչրերին: