Տեղեկատվական կենտրոն
Նորություններ
Մարզպետն այցելեց Հայրենական մեծ պատերազմի վետերան 91-ամյա Ավետիք Կարապետյանին
24.12.2013
Այսօր ՀՀ Արմավիրի մարզպետ Աշոտ Ղահրամանյանն այցելեց Արմավիր քաղաքի Հայրենական մեծ պատերազմի վետերան 91-ամյա Ավետիք Կարապետյանին` նրան նվիրելով ամանորյա սննդամթերքով լի փաթեթ:
Մարզպետը բարեմաղթաներ հղեց Հայրենական մեծ պատերազմի վետերանին` նշելով. <<Ձեզ շնորհավորում եմ գալիք նոր տարվա կապակցությամբ և ցանկանում ամենակարևորը` առողջություն ու երկարակեցություն: Համոզված եմ, որ մեր երկիրն այնքան է հզորանալու, որ իր ժողովրդի` հատկապես վետերանների համար ապահովելու է առավել լուսավոր ու բարեկեցիկ կյանք: Թող Ձեր օջախում միշտ խաղաղություն ու ջերմություն լինի: Ամենայն բարիք Ձեզ>>:
Ավետիք Կարապետյանն իր գոհունակությունը հայտնեց մարզպետին՝ ասելով. <<Իմ խորին շնորհակալությունն ու երախտագիտությունն եմ հայտնում ինձ նման ուշադրության ու հարգանքի արժանանացնելու համար, և Ձեզ ցանկանում եմ քաջառողջություն, հաջողություններ, իսկ աշխարհին` խաղաղություն>>:
Նման նվերներ կստանան Հայրենական մեծ պատերազմի մասնակից 30 այլ վետերաններ ևս: