Տեղեկատվական կենտրոն
Նորություններ
Մարզպետն այցելեց Գայ համայնքում բացված պտուղ-բանջարեղենի մեծածախ շուկա
12.07.2014
ՀՀ Արմավիրի մարզպետ Աշոտ Ղահրամանյանն այսօր այցելեց Գայ համայնքում բացված պտուղ-բանջարեղենի մեծածախ շուկա, որտեղ մարզի գյուղացիական տնտեսություններն իրենց բերքն ու բարիքն իրացնում են հարմարավետ և անվճար պայմաններում:
Մարզպետը շրջեց շուկայում, ծանոթացավ ստեղծված պայմաններին և դրանց բարելավմանն ուղղված նախատեսվող աշխատանքներին, ապա նաև զրուցեց գյուղացիների հետ, որոնք իրեց գոհունակությունը հայտնեցին ընձեռված հնարավորության համար, որը նրանց զերծ է պահում լրացուցիչ ծախսեր իրականացնելուց և անցանկալի քաշքշուկներից:
Գյուղացիների հետ ունեցած զրույցի ընթացքում մարզպետ Աշոտ Ղահրամանյանն ընդգծեց, որ նմանօրինակ ձեռնարկները ևս մաս են կազմում պետության կողմից որդեգրած քաղաքականության, որի առանցքային նպատակներից է հանդիսանում նաև գյուղացուն աջակցելը, նրա հոգսը հնարավորինս թեթևացնելը: Նա վստահեցրեց, որ շուկայում ստեղծված պայմանները դեռ ավելի կբարելավվեն, իսկ գյուղացին առանց խոչընդոտների կշարունակի իրացնել իր բերքը: