Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետը Թաիրովի դպրոցում ներկա գտնվեց շախմատի դասասենյակի բացմանը
11.12.2014
ՀՀ Արմավիրի մարզի Փարաքար համայնքի բնակիչ Վլադիմիր Բախտավորյանի աջակցությամբ այսօր Թաիրովի միջնակարգ դպրոցում բացվեց ամբողջությամբ վերանորոգված և անհրաժեշտ գույքով հագեցված շախմատի դասասենյակ, որին ներկա էին նաև Արմավիրի մարզպետ Աշոտ Ղահրամանյանը, մարզպետարանի աշխատակազմի կրթության, մշակույթի և սպորտի վարչության պետ Գայանե Սայադյանը:
Շնորհավորելով կրթօջախի մանկավարժներին, աշակերտներին և շնորհակալություն հայտնելով բարերարին` մարզպետը նշեց. <<Շատ ուրախալի և գովելի է դպրոցներում շախմատի նման դասասենյակների առկայությունը, որը հնարավորություն է տալիս իմաստուն խաղի ուսուցումը կազմակերպել առավել հաճելի և նպաստավոր պայմաններում`աշակերտների շրջանում խթանելով շախմատային գիտելիքների և, ինչու ոչ, մտածողության զարգացումը...>>:
Այնուհետև համայնքի ղեկավարի և դպրոցի տնօրենի ուղեկցությմաբ մարզպետ Աշոտ Ղահրամանյանը շրջեց ուսումնական հաստատությունում, ծանոթացավ վերջերս իրականացված մասնակի վերանորգաման աշխատանքներին և դեռևս առկա խնդիրներին:
