Արմավիրի մարզպետի աշխատակազմ

Ինչպես արդեն տեղեկացրել էինք, ՀՀ Արմավիրի մարզպետարանում ընթանում էր մարզպետարանի աշխատակիցների շախմատային առաջին մրցաշարը, որի մասնակիցները 16-ն էին` տարբեր ոլորտներից:

Ութ օր շարունակ նրանք իրենց ուժերը չափեցին շրջանային մրցակարգով` յուրաքնչյուրը խաղալով 15 խաղ:

Այսօր ամփոփվեցին մրցաշարի արդյունքները, ըստ որի` մրցանակային 1-ին տեղը հավասար` 11,5 միավորով կիսեցին  մարզպետարանի աշխատակազմի գյուղատնտեսության և բնապահպանության վարչության պետ Արթուր Այվազյանը, հողաշինության և հողօգտագործման բաժին-մարզային հողային պետական տեսչության պետ Արմեն Դարբինյանը և ներքին աուդիտի բաժնի գլխավոր մասնագետ Հայկ Պողոսյանը: Մրցաշարում 4-րդ և 5-րդ տեղերը 9,5 և 8-ական միավորներով զբաղեցրեցին Արմեն Համբարձումյանը և Արսեն Զաքարյանը:

Մրցանակային տեղերը զբաղեցրած մասնակիցները մարզպետ Աշոտ Ղահրամանյանի կողմից արժանացան պատվոգրերի և դրամական պարգևների: Լավագույն մասնակցության համար մարզպետը շնորհակալագրեր հանձնեց նաև 4-րդ և 5-րդ տեղերը զբաղեցրաց մասնակիցներին, իսկ լավագույն մրցավարության համար` Սերոբ Եղիազարյանին: