Տեղեկատվական կենտրոն
Նորություններ
ՀՀ Արմավիրի մարզպետարանը հերքում է <<Հրապարակ>> օրաթերթի կողմից տարածած տեղեկատվությունը
16.04.2015
ՀՀ Արմավիրի մարզպետարանը հերքում է <<Հրապարակ>> օրաթերթում <<Անմոռուկի միջոցով փող աշխատելու մոլուցքը շուկաներից ու տոնավաճառներից հասել է պետական կառավարման համակարգ>> վերտառությամբ հոդվածը:
Հարկ ենք համարում տեղեկացնել, որ ՀՀ Արմավիրի մարզպետարնը Ցեղասպանության 100-րդ տարելիցի խորհրդանիշ անմոռուկ չի վաճառել և չի վաճառում: <<Հրապարակ>> օրաթերթի կողմից տարածած տեղեկատվությունը սուտ է և իրականության հետ որևէ կապ չունի:
Ի լրումն ասվածի նշենք, որ ՀՀ Արմավիրի մարզպետարանն ուղղակի անընդունելի է համարում որոշ լրատվական կայքերի կողմից Հայոց ցեղասպանության 100-րդ տարելիցի խորհրդանշանի և այլ պարագաների <<պարտադրված վաճառքի>> հետ կապված ստահոդ և անհիմն լուրերի տարածումը:
Հարգելի գործընկերներ, ներկայացրեք փաստարկված տեղեկատվություն, այլ ոչ թե ձեր մասնագիտական գործունեությանը ոչ վայել աշխատելաոճով աղավաղեք իրականությունը: