Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Աշոտ Ղահրամանյանը պարգևատրվեց «Հայրենական Մեծ պատերազմում հաղթանակի 70-րդ տարելից» հոբելյանական մեդալով
23.04.2015
ՀՀ Արմավիրի մարզպետ Աշոտ Ղահրամանյանն այսօր ընդունեց Ռուսաստանի Դաշնության Պետդումայի պատգամավոր, տնտեսական քաղաքականության, ինովացիոն զարգացման և ձեռներեցության հանձնաժողովի նախագահի տեղակալ Կազբեկ Տայսաևին, ով Հայաստանում է «Ընդդեմ ցեղասպանության հանցագործության» գլոբալ հասարակական-քաղաքական համաժողովին մասնակցելու նպատակով:
Կազբեկ Տայսաևը մարզպետ Աշոտ Ղահրամանյանին փոխանցեց ՌԴ Պետդումայի նախագահ Սերգեյ Նարիշկինի ողջույնները և նրա կողմից մարզպետին հանձնեց «Հայրենական Մեծ պատերազմում հաղթանակի 70-րդ տարելից» հոբելյանական մեդալը:
ՌԴ պետդումայի պատգամավորը խոսեց նաև համաժողովի ընթացքում իր ստացած տպավորությունների մասին` մասնավորապես ընդգծելով, որ ռուս ազգը միշտ դատապարտել է հայերի դեմ իրականացված ցեղասպանությունը, և այդ մասին Մեծ Բրիտանիայի, Ֆրանսիայի հետ համատեղ իր դիրքորոշումն արտահայտել է դեռևս 1915 թվականին` հայության նկատմամբ կատարվածը բնորոշելով որպես «մարդկության և քաղաքակրթության դեմ ուղղված հանցանք»:
Շնորհակալություն հայտնելով բարձր պարգևի համար` մարզպետ Աշոտ Ղահրամանյանը նշեց. «Այս հոբելյանական մեդալի համար պայքարել են մեր պապերն ու հայրերը, և այն շատ թանկ է ինձ համար…»: Մարզպետն ընդգծեց, որ հայ ժողովուրդը միշտ զգացել է եղբայրական Ռուսաստանի զորակցությունը և երկու պետությունների հարաբերությունները գալասին են դարերի խորքից, իսկ մերօրյա զարգացումները թույլ են տալիս ասել, որ դրանք հավերժ են:
Նա խոսեց նաև մարզում տեղակայված սահմանապահ զորամասի և մարզային իշանության միջև ձևավորված ջերմ փոխգործակցության մասին` ասելով, որ արվում է ամեն ինչ, որ սահմանապահներն իրենց զգան ինչպես տանը:
Շնորհակալություն հայտնելով ջերմ ընդունելության համար` Ռուսաստանի Դաշնության Պետդումայի պատգամավոր Կազբեկ Տայսաևը մարզպետ Աշոտ Ղահրամանյանին փոխադարձ այցով հրավիրեց Մոսկվա:
