Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետն ընդունեց Պարսկաստանից ժամանած մարզիկների` Կարատե-դո ասոցացիայի նախագահի գլխավորությամբ
28.09.2015
ՀՀ Արմավիր մարզպետ Աշոտ Ղահրամանյանն այսօր ընդունեց Պարսկաստանից ժամանած մարզիկների` Կարատե-դո ասոցացիայի նախագահ Արարատ Թովմասյանի գլխավորությամբ:
Մարզիկները սեպտեմբերի 27-ին Երևանում մասնակցել են Ճապոնական մարտարվեստների հայկական ազգային ասոցացիայի Կարատե-դո միջազգային բաց առաջնությանը, որը տեղի է ունեցել մարզպետ Աշոտ Ղահրամանյանի բարձր հովանու ներքո: Առաջնությանն Իրանի հավաքականից բացի մասնակցություն են ունեցել Հայաստանի տարբեր մարզերից 150 մարզիկներ:
Կարատե-դո միջազգային բաց առաջնությունը կայացել է 35 կատեգորիայում: Մրցանակակիրներն արժանացել են 35 գավաթի և 120 մեդալի:
Ողջունելով հյուրերին` մարզպետը կարևորեց երկու պետությունների միջև դարերից եկող բարեկամական հարաբերությունները, որոնք իրենց դրսևորումն են ունենում տարբեր բնագավառներում, այդ թվում` սպորտում: Ա. Ղահրամանյանը մարզիկներին մաղթեց պահպանել մարտական ոգին և անել առավելագույնը՝ այսուհետ ավելի լավ արդյունքներ գրանցելու համար: Նա իր գոհունակությունը հայտնեց նաև Կարատե-դո ասոցացիայի նախագահին` առաջնությունը բարձր մակարդակով կազմակերպելու և իրականացնելու համար:
