Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետն ընդունեց ՌԴ Յարոսլավի նահանգապետի գլխավորած պատվիրակությանը
02.11.2015
ՀՀ Արմավիրի մարզպետ Աշոտ Ղահրամանյանն այսօր ընդունեց ՌԴ Յարոսլավի նահանգապետ Սերգեյ Յաստրեբովի գլխավորած պատվիրակությանը, որն Հայաստանում է հայ-ռուսական միջտարածաշրջանային ֆորումին մասնակցելու նպատակով: Հանդիպմանը ներկա էին նաև ՀՀ Արմավիրի մարզպետի տեղակալները և մարզպետարանի աշխատակազմի ղեկավարը:
Ողջունելով պատվիրակության այցն Արմավիրի մարզ` մարզպետ Աշոտ Ղահրամանյանը կարևորեց կողմերի միջև դեռևս 2008 թվականից ձևավորված փոխգործակցությունը` հույս հայտնելով, որ նահանգապետի այցը կնպաստի վերանայել համագործակցության հնարավորությունները և հանդես գալ երկկողմ հետաքրքրություն ներկայացնող նոր առաջարկություններով:
Շնորհակալություն հայտնելով ջերմ ընդունելության համար` Յարոսլավի նահանգապետ Սերգեյ Յաստրեբովը ներկայացրեց իր ղեկավարած նահանգի արտադրական հնարավորությունները, տնտեսական զարգացմանն ուղղված քայլերը` միաժամանակ պատրաստակամություն հայտնելով վերսկսելու փոխգործակցությունը:
Հանդիպման ընթացքում զրուցակիցները մտքեր փոխանակեցին երկուստեք հետաքրքրություն ներկայացնող հարցերի շուրջ: Իսկ հանդիպման ավարտին նահանգապետ Սերգեյ Յաստրեբովը մարզպետ Աշոտ Ղահրամանյանին նվիրեց Յարոսլավ նահանգի պատմությունը ներկայացնող բազմահատորյակ և հրավիրեց այցելելու Յարոսլավ:
Հավելենք, որ Արմավիրի մարզ կատարած այցի շրջանակում պատվիրակությունը եղել է <<ԻՄՊԵՐԻԱԼ-ՏՈՒՐ>> ՍՊԸ-ում, <<ՄԱՊ>> ՓԲԸ-ում, «ԲԻԳԱ» հայ-հոլանդական համատեղ ձեռնարկությունում, ինչպես նաև Սարդարապատի հուշահամալիր, Հայոց ազգագրության թանգարանում:
