Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Ա. Ղահրամանյանն ընդունեց «Ֆունակոշի Շոտոկան» կարատեի ասոցացիայի մարզիկներին` նախագահի գլխավորությամբ
16.11.2015
ՀՀ Արմավիրի մարզպետ Աշոտ Ղահրամանյանն այսօր ընդունեց «Ֆունակոշի Շոտոկան» կարատեի ասոցացիայի մարզիկներին` նախագահ Կամսար Ավետիսյանի գլխավորությամբ:
Ողջունելով «Ֆունակոշի Շոտոկան» կարատեի ասոցացիայի գործունեությունը և ունեցած հաջողությունները`մարզպետը պատրաստակամություն հայտնեց մշտական աջակցություն ցուցաբերել նրանց հետագա ծրագրերին: Նա վստահեցրեց, որ ԻԻՀ Արևմտյան Ատրպատականի նահանգի ֆիզիկական կուլտուրայի գլխավոր վարչության և ՀՀ Արմավիրի մարզպետարանի միջև կնքված փոխըմբռնման հուշագրի շրջանակներում առաջիկայում կնախաձեռնի կարատեի ասոցացիայի այցն Արևմտյան Ատրպատական:
Ներկայացնելով ասոցացիայի հիմնական հաջողությունները` Կամսար Ավետիսյանն ընդգծեց, որ Արմավիրի մարզը նշված սպորտաձևում շատ ամուր հիմքերի վրա է և հավաստիացրեց, որ ամենամեծ հաղթանակները դեռ առջևում են:
Նշենք, որ «Ֆունակոշի Շոտոկան» կարատեի ասոցացիան իր 16-ամյա գործունեության ընթացում ունեցել է և Հայաստանի, և աշխարհի ու միջազգային առաջնությունների բազմակի հաղթողներ և մրցանակակիրներ:
