Արմավիրի մարզպետի աշխատակազմ

ՀՀ Արմավիրի մարզպետ Աշոտ Ղահրամանյանն այսօր ընդունեց ՌԴ Վոլոգոդայի նահանգապետի առաջին տեղակալ Ալեքսեյ Շեռլիգինի գլխավորած պատվիրակությանը, որի կազմում էին նահանգապետարանի արտաքին տնտեսական կապերի վարչության պետը և նահանգապետի օգնականը: Հանդիպմանը ներկա էին նաև Արմավիրի մարզպետարանի աշխատակազմի ղեկավար Փառանձեմ Կարապետյանը և աշխատակազմի տարբեր ոլորտների պատասխանատուներ:

Ալեքսեյ Շեռլիգինը ներկայացրեց Վոլոգոդա նահանգի տնտեսական, արտադրական և ներդրումային հնարավորությունները, որին հաջորդեց կողմերի քննարկումը ՀՀ Արմավիրի մարզի և ՌԴ Վոլոգոդայի նահանգի միջև առևտրատնտեսական, գյուղատնտեսական, հումանիտար և տնտեսական ոլորտներում փոխգործակցության հաստատման հետ կապված հարցերի շուրջ:

Պայմանավորվածություն ձեռք բերվեց նշված ծրագրերի իրականացման համար ստեղծել աշխատանքային խումբ: