Արմավիրի մարզպետի աշխատակազմ

ՀՀ Արմավիրի մարզպետ Աշոտ Ղահրամանյանն այսօր ներկա գտնվեց Հայկավան համայնքի միջնակարգ դպրոցում կազմակերպված ամանորյա միջոցառմանը, որին ներկա էին նաև համայնքի ղեկավարը, կրթության ոլորտի պատասխանատուներ, մեծ թվով հյուրեր և հայկավանցիներ:

Տոնական միջոցառման շրջանակներում կրթօջախի տարբեր դասարաններ ներկայացնող աշակերտներն իրենց ելույթներով մեծ ուրախություն և տոնական բարձր տրամադրություն հաղորդեցին ներկաներին:

Ողջունելով միջոցառման մասնակիցներին` մարզպետ Աշոտ Ղահրամանյանը նշեց. «Տարին ավարտվում է, և մի քանի օրից 2015 թվականը պատմություն կդառնա: 2016 թվականի հետ կապված մեր երկիրը, մեր ժողովուրդը մեծ ծրագրեր ունի: Ես համոզված եմ, որ անցնող տարում առկա դժվարություններն ու խնդիրները հաջորդ տարի ազգովի հաղթահարելու ենք:

Լինելով կիսապատերազմական վիճակում` մեր երկրի նախագահը և կառավարությունը ամեն ինչ անում են, որպեսզի առկա խնդիրներին աստիճանական լուծում տան:

Պատմությունը ցույց է տալիս, որ երբ միասնական ենք, բոլոր դժվարությունները հաղթահարում ենք և հաղթանակած ենք դուրս գալիս բոլոր իրավիճակներից: Ցանկանում եմ, որ 2016 թվականին և հաջորդող տարիներին միասնաբար կարողանանք հաղթահարել բոլոր դժվարությունները և Ձեզ հետ միասին կերտենք այն երկիրը, որտեղ ցանկանում ենք ապրեն մեր երեխաները, մեր թոռները, մեր հետագա սերունդները:

Շնորհավորում եմ բոլորիդ գալիք 2016 թվականի կապակցությամբ և մաղթում եմ, որ Ձեր բոլորի օջախներում առողջություն, երջանկություն և հաջողություն լինի: Թող Ձեր բոլոր իղձերը 2016 թվականին իրականություն դառնան: Շնորհավոր Ամանոր և Սուրբ Ծնունդ»:

Ամանորյա միջոցառման մասնակիցներին իրեց բարեմաղթանքի խոսքերը հղեցին նաև Հայկավան համայնքի ղեկավարը և դպրոցի տնօրենը` ուրախ նոր տարի և նորանոր հաջողություններ մաղթելով բոլորին: