Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Եկեղեցու հիմնարկեք` Ակնալիճ համայնքում
06.05.2016
ՀՀ Արմավիրի մարզի Ակնալիճ համայնքում թեմակալ առաջնորդ Տեր Սիոն եպիսկոպոս Ադամյանի ձեռամբ այսօր կատարվեց եկեղեցու հիմնարկեքի արարողություն: Հիմներկեքի ընթացքում թեմակալ առաջնորդը և թեմի հոգևոր դասը սրբալույս մյուռոնով օծեցին տասնվեց խաչանիշ քարերը, որոնք եկեղեցու տասնվեց կնքահայրերը դրեցին աղոթատան հիմքերում:
Հիմներկեքի սրբազան արարողությանը ներկա էին ՀՀ Արմավիրի մարզպետ Աշոտ Ղահրամանյանը, համայնքապետ Գևորգ Միսակյանը, համայնքի և հարևան համայնքների հավատավոր ժողովուրդը, մեծ թվով հյուրեր:
Բազիլիկ ոճով նախագծված եկեղեցին կառուցվելու է համայնքի ղեկավարի և բնակիչների անմիջական աջակցությամբ և ջանքերով:
Հիմներկեքի արարողությունից հետո Սրբազան հայրն իր օրհնությունը բաշխեց ներկաներին և հույս հայտնեց, որ նորակառույց եկեղեցին դառնալու է համախմբող, օրհնություն պարգևող օրրան:
Մարզպետ Աշոտ Ղահրամանյանն էլ բարձր գնահատեց համայնքի ղեկավարի և բնակչության` համայնքում եկեղեցի կառուցելու աստվածահաճո ձեռնարկը` ընդգծելով, որ ոչինչ չի կարող ընկճել հայ մարդուն` կառուցելու իր տունը, իր եկեղեցին և գնալու հավերժի ճամփով:
Հավելենք, որ մինչ եկեղեցու հիմներկեքը մարզպետ Աշոտ Ղահրամանյանի ուղեցությամբ ներկաները ծաղիկներ խոնարհեցին Արցախյան պատերազմում զոհվածների հիշատակը հավերժացնող խաչքարին:
