Տեղեկատվական կենտրոն
Նորություններ
Մարզպետը ներկա գտնվեց Արմավիրի արվեստի պետական քոլեջի հաշվետու համերգին
15.06.2016
ՀՀ Արմավիրի մարզպետ Աշոտ Ղահրամանյանն այսօր ներկա գտնվեց Արմավիրի արվեստի պետական քոլեջի 2015-2016 ուսումնական տարվա հաշվետու համերգին, որի շրջանակում ամփոփվեցին դասախոսների և ուսանողների` նշված ժամանակահատվածում իրականացրած աշխատանքների արդյունքները:
2015-2016 ուսումնական տարվա ընթացքում քոլեջի ուսանողները մասնակցել են “Արտ Մյուզիք” VII և “Մեղեդի” երգի հանրապետական մրցույթ-փառատոնին, ինչպես նաև Գյումրի քաղաքում կայացած երաժիշտ-կատարողների “Վերածնունդ” VIII միջազգային մրցույթ-փառատոնին` գրավելով մեծ թվով մրցանակներ, պատվոգրեր և պատվավոր տեղեր:
Հաշվետու ժամանակահատվածում Արմավիրի արվեստի պետական քոլեջը և դասախոսական կազմը ստացել են բազմաթիվ շնորհակալագրեր և դիպլոմներ, որոնք էլ հանդիսացել են մանկավարժների և ուսանողների համատեղ աշխատանքի արգասիքը: