Տեղեկատվական կենտրոն
Նորություններ
Վաստակած հանգստի Ճանապարհվեց մարզպետարանի աշխատակից Հովհաննես Պետրոսյանը
17.06.2016
Կենսաթոշակային տարիքի անցնելու կապակցությամբ այսօր ՀՀ Արմավիրի մարզպետ Աշոտ Ղահրամանյանը և մարզպետարանի աշխատակազմը վաստակած հանգստի ճանապարհեցին մարզպետարանի աշխատակազմի տեղական ինքնակառավարման և հանրապետական գործադիր մարմինների հարցերով վարչության հանրապետական գործադիր մարմինների տարածքային ստորաբաժանումների գործունեության համակարգման բաժնի պետ Հովհաննես Պետրոսյանին:
Մարզպետ Աշոտ Ղահրամանյանը բարձր գնահատեց Հովհաննես Պետրոսյանի տարիների անբասիր և օրինակելի աշխատանքը` նշելով, որ համատեղ աշխատանքային գործունեության ընթացքում նա աչքի է ընկել որպես բարեխիղճ և մեծ պատասխանատվության տեր անձնավորություն` օժտված մասնագիտական բարձր կարողություններով ու հմտություններով:
Արմավիրի մարզում Հայաստանի Հանրապետության կառավարության տարածքային քաղաքականության արդյունավետ իրականացման գործում ունեցած ավանդի, երկարամյա ու անբասիր աշխատանքային գործունեության համար մարզպետ Աշոտ Ղահրամանյանը պատվոգիր հանձնեց Հովհաննես Պետրոսյանին` նրան մաղթելով քաջառողջություն և բարի հանգիստ:
Հովհաննես Պետրոսյանը շնորհակալություն հայտնեց մարզպետին և մարզպետարանի աշխատակազմին համատեղ և համագործակված աշխատանքի, ինչպես նաև հնչեցված գնահատականների ու առանձնակի ուշադրության համար` խոստանալով այսուհետ ևս անհրաժեշտության դեպքում օգտակար լինել իր փորձով և մասնագիտական գիտելիքներով: