Տեղեկատվական կենտրոն
Նորություններ
Մարզպետի պատվոգրով պարգևատրվեցին «Վահագն» ավանդական պարային համույթի գեղարվեստական ղեկավարները
28.11.2016
Հայկական պարարվեստի զարգացման ու տարածման ոլորտում ունեցած ավանդի, հայապահպանությանն ուղղված, մասնավորապես` հայկական ավանդական պարերի միջոցով երիտասարդության հայեցի ուսուցման և դաստիարակության գործում ձեռք բերած հաջողությունների համար «Վահագն» ավանդական պարային համույթի գեղարվեստական ղեկավարներ Արտյոմ Ղարիբյանը և Անի Կորկոտյանն այսօր պարգևատրվեցին Արմավիրի մարզպետի պատվոգրով:
Հանձնելով պատվոգրերը` մարզպետ Աշոտ Ղահրամանյանն իր աջակցությունը հայտնեց մարզի համայնքներում պարային համույթի հետագա գործունեության ընդլայնմանը:
Օրեր առաջ Արմավիրի մշակույթի տանը «Վահագն» ավանդական պարային համույթի` մարզի համայնքները ներկայացնող սաների ելույթներին տեղում հետևելու և իր ներկայությամբ նրանց ոգևորելու համար պարուսույց Արտյոմ Ղարիբյանը շնորհակալություն հայտնեց մարզպետ Աշոտ Ղահրամանյանին` վստահեցնելով, որ կնպաստեն նաև համայնքներում ազգային երգի ուսուցմանը և արդեն կունենան համապատասխան երգի-պարի խմբեր: