Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համապետական շաբաթօրյակի շրջանակներում Արմավիրի մարզում իրականացվեցին մաքրման և բարեկարգման համատարած աշխատանքներ
27.05.2017
«Մաքուր Հայաստան» ծրագրի շրջանակներում ողջ հանրապետությունում, այդ թվում՝ Արմավիրի մարզում այսօր իրականացվեցին մաքրման և բարեկարգման համատարած աշխատանքներ, որոնցում ընդգրկված էին մարզային, համայնքային նշանակության կազմակերպությունները, հանրապետական գործադիր մարմինների տարածքային ստորաբաժանումները, կրթական, առողջապահական հաստատությունները և մասնավոր ընկերությունները:
Շաբաթօրյակի ընթացքում հատուկ ուշադրություն է դարձվել հանրային տարածքների` պատմամշակութային հուշարձանների, գերեզմանատների, աղբավայրերի շրջակայքի, հանրապետական, մարզային և տեղական նշանակության ճանապարհների հարակից տարածքների, առվեզրերի մաքրմանը:
ՀՀ Արմավիրի մարզպետ Աշոտ Ղահրամանյանի համապատասխան կարգադրությամբ մարզպետարանի աշխատակիցները ևս մասնակցել են համայնքներում իրականացվող շաբաթօրյակին: Այդ աշխատանքներին տեղում հետևել և իր մասնակցությունն է ունեցել նաև մարզպետը՝ ուշադրություն դարձնելով համայնքում շաբաթօրյակի իրականացման գործողությունների պլանով նախատեսված միջոցառումների ապահովմանը:
Խոսելով շաբաթօրյակի և շրջակա միջավայրի մաքրության շարունակական պահպանման կարևորության մասին՝ մարզպետ Աշոտ Ղահրամանյանն ընդգծել է, որ մեզանում անընդունելի պետք է դառնա աղտոտված տարծքներ ունենալը, առավել ևս՝ միջավայրն աղտոտելը:
Մարզպետի տեղեկացմամբ` մարզում իրականացվող շաբաթօրյակին մասնակցել են տարբեր կառույցներ ներկայացնող շուրջ 13 հազար աշխատակիցներ, 17 հազար աշակերտներ: Ըստ նրա` մաքրման աշխատանքներում ներգրավված է եղել ընդհանուր առմամբ 289 միավոր տարբեր նշանակության տեխնիկա:
