Տեղեկատվական կենտրոն
Նորություններ
Աշոտ Ղահրամանյանն ընդունեց Կորեայի Ջեոլաբուկ-դո նահանգի ղեկավարին
21.07.2017
ՀՀ Արմավիրի մարզպետ Աշոտ Ղահրամանյանն այսօր ընդունեց Կորեայի Ջեոլաբուկ-դո նահանգի ղեկավար Սոնգ Հա-Ջինի գլխավորած պատվիրակությանը:
Մարզպետը ողջունեց պատվիրակության այցն Արմավիրի մարզ` ներկայացնելով մարզը բնութագրող հիմնական առանձնահատկությունները, պատմական նկարագիրը: Անդրադառնալով մարզի զարգացման գերակա ուղղությանը` գյուղատնտեսությանը, Աշոտ Ղահրամանյանը խոսեց մարզում արտադրվող գյուղմթերքի ծավալների, ինովացիոն հնարավորությունների, առկա մարտահրավերների և նախատեսվող ծրագրերի մասին:
Շնորհակալություն հայտնելով ջերմ ընդունելության համար` Ջեոլաբուկ-դոյի նահանգապետը ներկայացրեց իր ղեկավարած նահանգում զարգացման ներուժ ունեցող ոլորտները՝ գյուղատնտեսություն, զբոսաշրջություն, տեղեկատվական տեխնոլոգիաներ, խոսեց գյուղատնտեսության ոլորտում պետության դերակատարման մասին:
Հանդիպման ընթացքում զրուցակիցները մտքեր փոխանակեցին երկկողմ հետաքրքրություն ներկայացնող ոլորտներում համագործակցության հնարավորություններ ստեղծելու և փորձի փոխանակման շուրջ: