Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մաքրման և բարեկարգման աշխատանքներ` համապետական 2-րդ շաբաթօրյակի շրջանակում
29.07.2017
«Մաքուր Հայաստան» ծրագրի շրջանակում ողջ հանրապետությունում, այդ թվում՝ Արմավիրի մարզում այսօր իրականացվել են մաքրման և բարեկարգման համատարած աշխատանքներ, որոնցում ընդգրկված էին մարզային, համայնքային նշանակության կազմակերպությունները, հանրապետական գործադիր մարմինների տարածքային ստորաբաժանումները, կրթական, առողջապահական հաստատությունները և մասնավոր ընկերությունները:
Շաբաթօրյակի ընթացքում հատուկ ուշադրություն է դարձվել հանրային տարածքների` պատմամշակութային հուշարձանների, գերեզմանատների, աղբավայրերի շրջակայքի, հանրապետական, մարզային և տեղական նշանակության ճանապարհների հարակից տարածքների, առվեզրերի մաքրմանը:
ՀՀ Արմավիրի մարզպետ Աշոտ Ղահրամանյանի համապատասխան կարգադրությամբ մարզպետարանի աշխատակիցները հետևել են համայնքներում իրականացվող մաքրման աշխատանքներին` ուշադրություն դարձնելով շաբաթօրյակի իրականացման գործողությունների պլանով նախատեսված միջոցառումների ապահովմանը:
Մարզում իրականացվող շաբաթօրյակին մասնակցել են տարբեր կառույցներ ներկայացնող 22 հազար աշխատակիցներ, այդ թվում` դպրոցականներ: Մաքրման աշխատանքներում ներգրավված է եղել տարբեր նշանակության 214 տեխնիկա:
