Տեղեկատվական կենտրոն
Նորություններ
Հայոց ցեղասպանության զոհերի հիշատակին նվիրված խաչքարի բացում` Փշատավան համայնքում
18.08.2017
ՀՀ Արմավիրի մարզի Փշատավան համայնքում այսօր հանդիսավորությամբ բացվել է Հայոց ցեղասպանության զոհերի հիշատակը հավերժացնող խաչքար` համայնքաբնակ Մխիթարյանների ընտանիքի կողմից:
Խաչքարի բացման արարողությանը մասնակցել են ՀՀ Արմավիրի մարզպետ Աշոտ Ղահրամանյանը, ՀՀ ոստիկանության Արմավիրի մարզային վարչության պետ Արսեն Այվազյանը, մեծ թվով հյուրեր, փշատավանցիներ:
Ողջունելով ներկաներին` մարզպետ Աշոտ Ղահրամանյանը կարևորել է նման աստվածահաճո ձեռնարկները համայնքներում, որոնք գալիս են ամրապնդելու հայ ժողովրդի հավատքն ու Հայոց ցեղասպանության ճանաչման արդար պահանջը: Խաչքարի կանգնեցման և ներհամայնքային շատ ու շատ խնդիրների լուծման համար նա իր երախտագիտությունն է հայտնել Մխիթարյանների ընտանիքին:
Հայոց ցեղասպանության զոհերի հիշատակը հավերժացնող խաչքարի հեղինակն է խաչքարագործ, 1000 խաչքարերի հեղինակ Ռուբեն Նալբանդյանը: