Տեղեկատվական կենտրոն
Նորություններ
Քննարկվել են մարզի զարգացման ռազմավարությանը վերաբերող հարցեր
12.12.2017
ՀՀ տարածքային կառավարման և զարգացման նախարարի տեղակալ Վարազդատ Կարապետյանի գլխավորությամբ այսօր Արմավիրի մարզպետարանում հրավիրված խորհրդակցությանը քննարկվել են մարզի 2017-2025 թվականների զարգացման ռազմավարության հիման վրա յուրաքանչյուր տարվա համար տարեկան աշխատանքային պլանի մշակմանը վերաբերող հարցեր:
Խորհրդակցությանը մասնակցել են Տարածքային կառավարման և զարգացման նախարարության տարածքային կառավարման վարչության պետ Արթուր Սողոմոնյանը, Համաշխարհային բանկի ներկայացուցիչ Վահան Դանիելյանը, մարզպետարանի աշխատակազմի ղեկավար Փառանձեմ Կարապետյանը և աշխատակազմի կառուցվածքային ստորաբաժանումների պատասխանատուները:
Օրակարգային հարցի շրջանակում փոխնախարարը կարևորել է մարզի 2018 թվականի տարեկան աշխատանքային պլանում ռազմավարության ցուցանիշների իրատեսական բաշխումը և իրականացվելիք հավանական ներդրումային ծրագրերի ընդգրկումը, ինչպես նաև նոր աշխատատեղերի ստեղծումը՝ ոլորտում պատասխանատու մարզային համապատասխան կառույցների հետ համագործակցությամբ:
Փոխնախարար Վարազդատ Կարապետյանը մարզպետարանի աշխատակազմի աշխատակիցների հետ հանդիպման ավարտից հետո հարցազրույց է անցկացրել մարզի 5000-ից ավել բնակիչ ունեցող համայնքների տնտեսական զարգացման հարցերով պատասխանատու պաշտոնների թեկնածուների հետ: