Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հորդառատ անձևի պատճառով արտակարգ իրավիճակ է ստեղծվել Լեռնագոգ համայնքում
22.05.2018
Երեկ ուշ երեկոյան երկու ժամ տեղացած հորդառատ անձրևի պատճառով արտակարգ իրավիճակ է ստեղծվել Արմավիրի մարզի Լեռնագոգ համայնքում. Թալինի կողմում տեղացած տևական անձրևի հոսքը համայնքի ջրատարը չի կարողացել ապահովել, որի հետևանքով սելավաջրերը լցվել են համայնք` մեծ վնաս պատճառելով շենք-շինություններին, անասնագոմերին, տնամերձ հողտարածքներին:
Ստեղծված դրությունն ուսումնասիրելու նպատակով այսօրվանից համայնքում կգործի արտակարգ իրավիճակների հետևանքով ֆիզիկական և իրավաբանական անձանց պատճառած վնասները գնահատող համայնքային հանձնաժողովը, որի աշխատանքներին ներգրավված կլինեն նաև Արմավիրի մարզպետարանի աշխատակիցները:
Հավելենք, որ մինչև լուսադեմ համայնքում են գտնվել ՀՀ արտակարգ իրավիճակների նախարարության, Արմավիրի մարզպետարանի ներկայացուցիչները, ինչպես նաև ԱԱԾ աշխատակիցները:
Լուսանկարը` hetq.am
