Արմավիրի մարզպետի աշխատակազմ

ՀՀ Արմավիրի մարզպետ Գագիկ Միրիջանյանն  անցնող շաբաթվա ընթացքում   շրջայց է կատարել մարզպետարանի աշխատասենյակներում, զրուցել կառուցվածքային ստորաբաժանումների ղեկավարների և աշխատակիցների հետ, ծանոթացել վերջիններիս գործունեությանը:

Մարզպետին հիմնականում զեկուցվել են ըստ ոլորտների և ի պաշտոնե իրականացվող գործառույթները, իրավասություններն ու պարտականությունները: Անդրադարձ է կատարվել նաև մասնագիտական որակավորմանը և աշխատանքային գործունեության ժամանակագրությանը:

Գագիկ Միրիջանյանը, ծանոթանալով ստորաբաժանումների և աշխատակիցների գործառույթներին, աշխատանքային հիմնական առաջնահերթություններին, արել է համապատասխան առաջարկություններ, տվել հանձնարարականներ. «Մեր շփումները շարունակական են լինելու, մենք ամեն օր առնչվելու ենք աշխատանքի բերումով, և իմ հիմնական կոչն ու հորդորն է ձեզ` ապահովել կատարողական ցուցանիշների և ընթացիկ աշխատանքի մաքսիմալ արդյունավետություն: Ես հետևողական եմ լինելու ձեր աշխատանքների նկատմամաբ և բացառելու եմ աշխատանքային պարտականությունների կատարման ցանկացած թերացում» :