Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Գագիկ Միրիջանյանը ներկա է գտնվել քառօրյա հերոսամարտում զոհված ոսկեհատցի զինվորի ծննդյան տարեդարձին նվիրված միջոցառմանը
21.07.2018
ՀՀ Արմավիրի մարզպետ Գագիկ Միրիջանյանն այսօր «Պատանեկան ստեղծագործության կենտրոն»-ում ներկա է գտնվել ապրիլյան քառօրյա հերոսամարտում զոհված ոսկեհատցի Արամայիս Միքայելյանի ծննդյան 22-ամյակին նվիրված միջոցառմանը:
«Հերոսներն անմահ են» խորագիրը կրող միջոցառմանը տեղի է ունեցել Արամայիս Միքայելյանի, նրա գործը շարունակող եղբոր և Ոսկեհատի միջնակարգ դպրոցի սաների հեղինակած փայտե քանդակների ցուցադրությունը:
Մարզպետը ծանոթացել է ներկայացված աշխատանքներին, կարևորել նմանատիպ ձեռնարկներով հերոս տղաների հիշատակը մշտարթուն պահելը՝ նշելով, որ Արամայիսի և իր ընկերների սխրանքն անգնահատելի է յուրաքանչյուր հայի համար: Նա իր շնորհավորանքի խոսքն է հղել ոսկեհատցի հերոսի ծննդյան օրվա առթիվ՝ ասելով. «Մենք այսօր Արամայիսի ծննդյան տարեդարձը նշում ենք նրա ֆիզիկական բացակայությամբ՝ համոզված լինելով, որ նա հոգեպես այստեղ է և մեզ հետ ապրում է նույն ոգևորությունն ու հուզմունքը: Նա մեզ հետ կլինի այնքան ժամանակ, քանի դեռ հիշում ենք նրան: Իսկ մենք իրավունք չունենք չհիշելու մեր հերոսներին և չխոնարհվելու նրանց հիշատակի առջև»:
