Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գագիկ Միրիջանյանն ընդունել է K1 Հայաստանի ազգային սիրողական ֆեդերացիայի Արմավիր մասնաճյուղի նախագահին և մարզիկներին
31.07.2018
ՀՀ Արմավիրի մարզպետ Գագիկ Միրիջանյանն այսօր ընդունել է K1 Հայաստանի ազգային սիրողական ֆեդերացիայի Արմավիր մասնաճյուղի նախագահ Շանթ Պետրոսյանին և Վրաստանի Ուռեկի քաղաքում կայացած K1 մարզաձևի 2018 թվականի պատանիների Սևծովյան առաջնությանը մասնակցած արմավիրցի 6 ոսկե մեդալակիրներից 5-ին:
Շանթ Պետրոսյանը մարզպետին տեղեկացրել է, որ արդեն 20 տարի է ինչ զբաղվում է այս մարզաձևով: Նա նշել է, որ վերջին 10 տարիների ընթացքում միջազգային ասպարեզում կազմակերպված մրցույթներին իր մարզիկները 35 ոսկե մեդալի են արժանացել: Հայստանում կազմակերպված մրցույթներում էլ 1000-1500 մրցանակային տեղեր են զբաղեցրել:
Մարզպետ Գագիկ Միրիջանյանը բարձր է գնահատել K1 Հայաստանի ազգային սիրողական ֆեդերացիայի Արմավիր մասնաճյուղի տարիների ձեռքբերումները և պատրաստակամություն հայտնել աջակցելու սպորտաձևի զարգացմանը: Վերը նշված առաջնությունում ձեռք բերված կարևոր հաղթանակի համար մարզպետը շնորհավորել է նաև մարզիկներին` նրանց մաղթելով նորանոր հաջողություններ:
