Տեղեկատվական կենտրոն
Նորություններ
Հարգանքի տուրք է մատուցվել Օշականի ճակատամարտում զոհվածների հիշատակին
17.08.2018
ՀՀ Արմավիրի մարզպետի տեղակալ Գագիկ Գաբրիելյանը Հայաստանում Ռուսաստանի արտակարգ և լիազոր դեսպան Սերգեյ Կոպիրկինի, ՀՀ զինված ուժերի գլխավոր շտաբի պետ, գեներալ-մայոր Արտակ Դավթյանի, Էջմիածնի քաղաքապետի ժամանակավոր պաշտոնակատար Դիանա Գասպարյանի, Հայ Առաքելական և Ռուս Ուղղափառ եկեղեցիների ներկայացուցիչների և բազմաթիվ հյուրերի հետ ներկա է գտնվել Օշականի ճակատամարտի 191-րդ տարելիցին նվիրված հանդիսավոր միջոցառմանը, հարգանքի տուրք մատուցել Էջմիածնի պաշտպանության ժամանակ զոհված ռուս մարտիկների և հայ կամավորականների հիշատակին։
Փոխմարզպետը ողջունել է ներկաներին և շնորհավորել երկու եղբայրական պետությունների ռազմական համագործակցության փառահեղ էջերից համարվող Օշականի ճակատամարտի հաղթական օրվա առթիվ՝ ընդգծելով, որ 191 տարի անց էլ հայ ժողովուրդն ամենայն երախտագիտությամբ է հիշում ռուս մարտիկների սխրանքը հայկական հողում և գլուխ խոնարհում նրանց հիշատակի առաջ:
Հուշակոթող-մատուռում հայ և ռուս հոգևորականների կողմից կատարվել է հոգեհանգստի կարգ, և աղոթք է հնչեցվել առ Աստված` Օշականի ճակատամարտում զոհված 1131 ռուս զինվորների և հայ կամավորների հոգիների հանգստության համար:
Օշականի ճակատամարտի տարելիցին նվիրված միջոցառումն ամփոփվել է ՀՀ զինված ուժերի և ՌԴ անվտանգության դաշնային ծառայության սահմանապահ վարչության պատվո պահակախմբի շքերթով: