Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզում համապետական շաբաթօրյակի շրջանակներում իրականացվող մաքրման և բարեկարգման աշխատանքներին հետևել են ՏԿԶ նախարարը և մարզպետը
08.09.2018
«Մաքուր տուն՝ տնից դուրս» ծրագրի շրջանակներում Արմավիրի մարզում այսօր իրականացվել են մաքրման և բարեկարգման համատարած աշխատանքներ, որոնցում ընդգրկված են եղել մարզային, համայնքային նշանակության կազմակերպությունները, հանրապետական գործադիր մարմինների տարածքային ստորաբաժանումները, կրթական, առողջապահական հաստատությունները և մասնավոր ընկերությունները:
Շաբաթօրյակի ընթացքում հատուկ ուշադրություն է դարձվել հանրային տարածքների` պատմամշակութային հուշարձանների, գերեզմանատների, աղբավայրերի շրջակայքի, հանրապետական, մարզային և տեղական նշանակության ճանապարհների հարակից տարածքների և առվեզրերի մաքրմանը:
Արմավիրի մարզում համապետական շաբաթօրյակի շրջանակներում իրականացվող մաքրման և բարեկարգման աշխատանքներին հետևել և մասնակից են դարձել ՀՀ տարածքային կառավարման և զարգացման նախարար Սուրեն Պապիկյանը և մարզպետ Գագիկ Միրիջանյանը:
Մարզպետի հանձնարարությամբ մարզպետարանի աշխատակիցները ևս այցելել են համայնքներ, հետևել աշխատանքների ընթացքին` ուշադրություն դարձնելով շաբաթօրյակի իրականացման գործողությունների պլանով նախատեսված միջոցառումների ապահովմանը:
Մարզում իրականացվող շաբաթօրյակին մասնակցել են տարբեր կառույցներ ներկայացնող 77 345 աշխատակիցներ, այդ թվում` դպրոցականներ: Մաքրման և բարեկարգման աշխատանքների կազմակերպման նպատակով ներգրավվել է ընդհանուր հաշվով 259 միավոր տեխնիկա` ինքնաթափեր, բարձիչներ, էքսկավատորներ, կցասայլեր:
