Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Մարզպետի մոտ կայացել է քաղաքացիների հերթական ընդունելությունը

27.09.2018

ՀՀ Արմավիրի մարզպետ Գագիկ Միրիջանյանի մոտ այսօր կայացել է քաղաքացիների հերթական ընդունելությունը, որին նախապես գրանցվել և մասնակցել է մարզի 20 բնակիչ: Քաղաքացիների կողմից ներկայացվող ոլորտային հարցերը տեղում քննարկելու և համապատասխան լուծումներ առաջարկելու նպատակով ընդունելությանը ներկա են գտնվել նաև մարզպետի տեղակալները, մարզպետարանի գլխավոր քարտուղարի պաշտոնակատարը և կառուցվածքային ստորաբաժանումների պատասխանատուները:

Ընդունելությանը գրանցված քաղաքացիները մարզպետին շարունակում են դիմել համապատասխան աշխատանքով ապահովելու, դրամական աջակցության և առողջական խնդիրների լուծմանը հնարավոր աջակցություն ցուցաբերելու խնդրանքով:

Քաղաքացիների կողմից հարցեր են եղել նաև համայնքապետերից մեկի անօրինական գործողությունները կանխելու, բնակարանի գազաֆիկացմանն աջակցելու, աճուրդային կարգով հողատարածքի ձեռքբերմանն ընդառաջելու վերաբերյալ:

Մարզպետին դիմել են նաև <<Վիոլա ջուր>> ՓԲԸ-ի կողմից իրականացվող անօրինական գործողությունների կանխմանը, ոլորտում առկա խնդիրների կարգավորմանը, ինչպես նաև Ակնալիճ համայնքի վարչական տարածքում առկա արոտավայրերի օգտագործման և վարձավճարների գանձման օրինականության ստուգման գործընթացին հնարավոր աջակցություն ցուցաբերելու խնդրանքով:

Սոցիալական խնդիրներ ունեցող և դրամական աջակցության խնդրանքով դիմած քաղաքացիների հարցերին մարզպետ Գագիկ Միրիջանյանը համապատասխան ընթացք է տվել: Աշխատանքի ապահովման հարցով էլ դիմած քաղաքացիներին նա ներկայացրել է այս պահին առկա թափուր հաստիքների ցանկը` վստահեցնելով, որ տվյալների համապատասխանության պարագայում կարող են դիմել տվյալ հաստատություն` հաստիքը համալրելու համար: Եղել են նաև լրացուցիչ ուսումնասիրություն պահանջող հարցեր, որոնք մարզպետը վերցրել է իր անմիջական հսկողության ներքո` վստահեցնելով, որ կանի հնարավորն օրինական դաշտում օբյեկտիվ լուծում տալու համար:

Հիշեցնենք, որ ՀՀ Արմավիրի մարզպետ Գագիկ Միրիջանյանի մոտ քաղաքացիների ընդունելությունը տեղի է ունենում ամեն հինգշաբթի, ժամը 14:00-ից մինչև 17:00-ն: 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-29 17:20:37