Տեղեկատվական կենտրոն
Նորություններ
Փոխմարզպետը ներկա է գտնվել Մրգաշատ համայնքում կազմակերպված Մաճառի տոնին
16.10.2018
Փոխմարզպետ Կարեն Գրիգորյանն այսօր ներկա է գտնվել Մրգաշատ համայնքում ավանդույթ դարձած գյուղատնտեսական տարվա ավարտը խորհրդանշող Մաճառի տոնին:
Մրգաշատցիները հյուրերին դիմավորեցին համայնքի հրապարակում բացված առատ սեղանների շուրջ` լի բերքուբարիքով, տարատեսակ ուտեստներով, աղանդերով և օրվա խորհուրդը հանդիսացող մաճառով:
Փոխմարզպետը համայնքի ղեկավարի ուղեկցությամբ մոտեցել է սեղաններին, շնորհավորել է Մաճառի տոնը և բաժակ բարձրացրել` մրգաշատցիներին շնորահակալություն հայտնելով նման գեղեցիկ միջոցառման համար:
Շնորհավորելով բոլորին համայնքի համար տոնական դարձած միջոցառման կապակցությամբ` փոխմարզպետ Կարեն Գրիգորյանն իր խոսքում նշել է, որ տպավորված է միջոցառումից, հայացքներից և ընդունելությունից. «Յուրաքանչյուր սեղանի մոտենալիս, յուրաքանչյուր մրգաշատցու հետ խոսելիս նկատեցի ոգևորություն, կայծ, եռանդ և վստահ եմ, որ այս ոգևորությունը տարեցտարի ավելի կմեծանա»: Այնուհետև փոխմարզպետը համայնքի բնակիչներին մաղթել է բարօրություն, նորանոր ձեռքբերումներ և գյուղատնտեսական բերրի տարիներ: