Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Համբարձում Մաթևոսյանի մոտ տեղի է ունեցել քաղաքացիների առաջին ընդունելությունը
18.10.2018
ՀՀ Արմավիրի մարզպետ Համբարձում Մաթևոսյանի մոտ այսօր տեղի է ունեցել քաղաքացիների առաջին ընդունելությունը, որին մասնակցել է նախապես գրանցված 6 քաղաքացի: Քաղաքացիների կողմից ներկայացվող ոլորտային հարցերը տեղում քննարկելու և համապատասխան լուծումներ առաջարկելու նպատակով ընդունելությանը ներկա են գտնվել նաև մարզպետի տեղակալները, մարզպետարանի գլխավոր քարտուղարի պաշտոնակատարը և կառուցվածքային ստորաբաժանումների պատասխանատուները:
Ընդունելությանը գրանցված քաղաքացիները մարզպետին դիմել են դրամական աջակցության, առողջական խնդիրների լուծման, դեղորայքով ապահովելու խնդրանքով: Եղել է նաև բնակարանով ապահովելու, ինչպես նաև աշխատանքից ազատելու գործընթացը կանխելու միջնորդության խնդրանք:
Մարզպետ Համբարձում Մաթևոսյանը` լսելով քաղաքացիների բոլոր հարցադրումները և խնդրանքները, դրանք տեղում քննարկել է ոլորտային պատասխանատուների հետ, տվել համարժեք պատասխաններ և առաջարկել լուծումներ` վստահեցնելով, որ բոլորի խնդիրներին հնարավորության սահմաններում և օրենքին համապատասխան կտրվեն լուծումներ:
