Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Համբարձում Մաթևոսյանն ընդունել է Հայաստանի K1 ազգային սիրողական ֆեդերացիայի Արմավիր մասնաճյուղի նախագահին և մարզիկ Դավիթ Անդրեասյանին
08.11.2018
ՀՀ Արմավիրի մարզպետ Համբարձում Մաթևոսյանն այսօր ընդունել է Հայաստանի K1 ազգային սիրողական ֆեդերացիայի Արմավիր մասնաճյուղի նախագահ Շանթ Պետրոսյանին, Հայաստանի և միջազգային մրցույթներում բազմակի անգամ հաղթանակներ տարած մարզիկ Դավիթ Անդրեասյանին, ինչպես նաև Նոր Կեսարիայի համայնքապետ Հրայր Գալստյանին, ով պատրաստակամություն է հայտնել աջակցելու մարզաձևի զարգացմանը:
Շանթ Պետրոսյանը մարզպետին ասել է, որ նաև մարզումներ է անցկացնում Մուայ-թայ և Քիք-բոքսինգ մարզաձևերով: Նա մարզպետին տեղեկացրել է, որ առաջիկայում նախատեսվում է մեծ մրցաշար անցկացնել Քարակերտ համայնքում և խնդրել աջակցել մարզում սպորտի զարգացմանը: Այնուհետև ներկայացրել է Դավիթ Անդրեասյանին, ով 10 տարեկանից մարզվում է K1, Մուայ-թայ և Քիք-բոքսինգ մարզաձևերով:
Դավիթը բազմաթիվ անգամ Հայաստանը ներկայացրել է միջազգային մրցույթներում, իսկ վերջին 2 տարիներին Չինաստանում շարունակաբար Հայաստանի ներկայացուցիչն է եղել: Նա այդ ընթացքում 25 մենամարտ է ունեցել, որից 21-ը հաղթանակով է ավարտվել:
Մարզպետ Համբարձում Մաթևոսյանը բարձր է գնահատել նրանց ձեռքբերումները և պատրաստակամություն հայտնել իր լիազորությունների շրջանակներում աջակցելու սպորտաձևի զարգացմանը: Նա իր խոսքում նաև նշել է, որ իր համար սպորտը կրթության մի մասն է կազմում: Այնուհետև մարզպետը շնորհավորել է Դավիթ Անդրեասյանին` մաղթելով նորանոր հաղթանակներ և հաջողություններ:
