Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետը ներկա է գտնվել <<Աղետների դիմակայության օր>> խորագիրը կրող միջոցառմանը
06.12.2018
ՀՀ Արմավիրի մարզպետ Համբարձում Մաթևոսյանն այսօր Արմավիր քաղաքի հրապարակում ներկա է գտնվել Արտակարգ իրավիճակների նախարարության փրկարար ծառայության Արմավիրի մարզային փրկարարական վարչության կողմից իրականացված <<Աղետների դիմակայության օր>> խորագիրը կրող միջոցառմանը` նվիրված 1988 թվականին տեղի ունեցած Սպիտակի ավերիչ երկրաշարժի 30-րդ տարելիցին:
Արմավիրի մարզային փրկարարական վարչության պետ Հովհաննես Մարգարյանի ուղեկցությամբ մարզպետը ծանոթացել է միջոցառման շրջանակներում ցուցադրված հրշեջ-փրկարարական տեխնիկային և գույք-սարքավորումներին, որոնցով վերազինման արդյունքում, վարչության պետի հավաստմամբ, ավելի է բարձրացրել ծառայության արձագանքման օպերատիվությունը և հրշեջ փրկարարների կողմից կատարվող փրկարարական աշխատանքների արդյունավետությունը:
Համբարձում Մաթևոսյանին ներկայացվել է, որ մարզի բոլոր ուսումնական հաստատություններում, զորամասերում և մի շարք այլ կառույցներում անցկացվում են դասընթացներ՝ <<Ինչ է երկրաշարժը>>, <<Ինչպես վարվել երկրաշարժից առաջ, երկրաշարժի ժամանակ և երկրաշարժից հետո>> թեմաներով, որպեսզի ազգաբնակչությունը տեղեկացված լինի տարերային աղետի ժամանակ իր հիմնական գործողությունների մասին:
Բարձր գնահատելով նմանօրինակ ուսումնավարժական միջոցառումների իրականացումը և կարևորելով մարզային փրկարարական վարչության տեխնիկական հագեցվածությունը` մարզպետը նշել է. <<Ցանկալի է, որ այն, ինչին ականատես եղանք այստեղ, հենց ցուցադրության մակարդակով էլ ներկայացվի և կիրառության անհրաժեշտություն երբևէ չլինի: Ինչ խոսք, եթե տեխնիկայի նման հագեցվածությունը լիներ երկրաշարժի ժամանակ, շատ մարդկային կյանքեր կփրկվեին>>:
