Արմավիրի մարզպետի աշխատակազմ

ՀՀ Արմավիրի մարզպետ Համբարձում Մաթևոսյանն այսօր Ամանորի և Սուրբ Ծննդյան տոների կապակցությամբ այցելել է Արմավիրի Մարշալ Բաղրամյանի անվան ուսումնական զորամաս:

Զորամասի Հրամանատար Արթուր Երոյանի ուղեկցությամբ մարզպետը շրջել է հաստատությունում, ծանոթացել ընդհանուր պայմաններին, հետաքրքրվել ուսումնական գործընթացին վերաբերող մանրամասներով:

Իսկ արդեն ճաշի սեղանի շուրջ Համբարձում Մաթևոսյանը հանդիպել է զինծառայողներին, զրուցել նրանց հետաքրքրող հարցերի շուրջ: Այնուհետև շնորհավորելով զորամասի հրամանատարական կազմին և զինծառայողներին գալիք տոների կապակցությամբ` մարզպետը ցանկացել է, որ խաղաղության պայմաններում, պատվով և անփորձանք շարունակեն կատարել հայրենիքի պաշտպանի իրենց պարտականությունները: