Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետի մոտ տեղի է ունեցել քաղաքացիների` այս տարվա առաջին ընդունելությունը
10.01.2019
ՀՀ Արմավիրի մարզպետ Համբարձում Մաթևոսյանի մոտ այսօր տեղի է ունեցել քաղաքացիների` այս տարվա առաջին առաջին ընդունելությունը, որին մասնակցել է մարզի 5 բնակիչ: Քաղաքացիների կողմից ներկայացվող հարցերը տեղում քննարկելու և լուծման տարբերակներ առաջարկելու նպատակով ընդունելությանը ներկա են գտնվել նաև մարզպետարանի տարբեր ոլորտներ ներկայացնող պատասխանատուներ:
Ընդունելությանը հերթագրված քաղաքացիները մարզպետին հիմնականում դիմել են աշխատանքով ապահովելու և դրամական աջակցություն տրամադրելու խնդրանքով: Հարց է եղել նաև հիդրոպոն կանաչ ԿԴ տեսակի անասնակերի արտադրության ծրագրին ծանոթանալու և մարզպետարանում հանդիպում կազմակերպելու թույլտվության վերաբերյալ, որին համապատասխան լուծում է տրվել:
Դրամական աջակցության համար դիմած քաղաքացիներին էլ մարզպետ Համբարձում Մաթևոսյանը տեղեկացրել է, որ մարզպետարանի ֆինանսական համապատասխան միջոցների բացակայությամբ պայմանավորված այժմ հնարավոր չէ դրամական աջակցություն տրամադրել: Իսկ աշխատանքով ապահովելու հարցով դիմած քաղաքացիների տվյալները հաշվառվել են` համապատասխան աշխատատեղի առկայության դեպքում ընդառաջելու նպատակով:
Հիշեցնենք, որ մարզպետ Համբարձում Մաթևոսյանի մոտ քաղաքացիների ընդունելությունը տեղի է ունենում ամեն հինգշաբթի` սկսած ժամը 14:00-ից: Մարզպետի մոտ ընդունելության համար խնդրում ենք հերթագրվել մարզպետարանի քարտուղարության պետի մոտ:
