Տեղեկատվական կենտրոն
Նորություններ
Մարզպետը խորհրդակցություն է անցկացրել Ջրառատ համայնքի բնակիչների մասնակցությամբ
16.01.2019
ՀՀ Արմավիրի մարզպետարանում քիչ առաջ ավարտվել է Ջրառատ համայնքի բնակիչների մասնակցությամբ մարզպետ Համբարձում Մաթևոսյանի կողմից հրավիրված խորհրդակցությունը:
Մարզպետը ջրառատցիների հետ քննարկել է համայնքի ղեկավար Սամվել Գալստյանի հրաժարականի հարցը: Նա ներկայացրել է <<Տեղական ինքնակառավարման մասին>> ՀՀ օրենքով սահմանված կարգով համայնքի ղեկավարի լիազորությունները վաղաժամկետ դադարեցնելու նախապայմանները` ընդգծելով, որ գործընթացն իրականացվելու է բացառապես օրենքի տառին համապատասխան:
Միաժամանակ հարկ ենք համարում նշել, որ ԼՈՒՐԵՐ.com-ի տարածած` <<Ջրառատի բնակիչները պատանդ են վերցրել մարզպետարանի երկու աշխատակցի>> վերտառությամբ հոդվածում մարզպետարանի երկու աշխատակցի <<պատանդառության>> վերաբերյալ տեղեկությունը բացարձակ սուտ է և չի համապատասխանում իրականությանը: