Տեղեկատվական կենտրոն
Նորություններ
Քաղաքացիների հերթական ընդունելությունը տեղի է ունեցել փոխմարզպետ Կարեն Գրիգորյանի մոտ
17.01.2019
Քաղաքացիների հերթական ընդունելությունն այսօր տեղի է ունեցել ՀՀ Արմավիրի մարզպետի տեղակալ Կարեն Գրիգորյանի մոտ, որին ներկա են գտնվել նաև մարզպետարանի ոլորտային որոշ պատասխանատուներ:
Փոխմարզպետի մոտ տեղի ունեցած ընդունելությանը նախապես գրանցվել և մասնակցել է 6 քաղաքացի, ևս 4-ին էլ Կարեն Գրիգորյանն ընդունել է արտահերթ: Ընդունելությանը գրանցված քաղաքացիները փոխմարզպետին հիմանականում դիմել են սոցիալական աջակցության և աշխատանքով ապահովելու խնդրանքով: Հարց է եղել նաև բնակելի տան տանիքի վրայով անցնող էլեկտրական բարձր լարման հոսանքի գծի տեղափոխմանն ընդառաջելու վերաբերյալ, որի առնչությամբ փոխմարզպետն առաջարկել է մարզպետարանի միջնորդությամբ համապատասխան դիմում ներկայացնել պատկան գերատեսչություններին` խնդրելով անհապաղ քայլեր ձեռնարկել խնդրի կարգավորման ուղղությամբ:
Աշխատանքով ապահովելու համար դիմած քաղաքացիներին էլ Կարեն Գրիգորյանն առաջարկել է հետևել մարզպետարանի պաշտոնական կայքում և ֆեյսբուքյան էջում համայնքների աշխատակազմերում, կրթական և առողջապահական հաստատություններում առկա թափուր հաստիքների վերաբերյալ հրապարակվող տեղեկատվությանը և տվյալների համապատասխանության դեպքում դիմել այդ կառույցներում կադրային հարցերով զբաղվող աշխատակիցներին: Իսկ սոցիալական աջակցության հարցով դիմած քաղաքացիներին առաջարկվել է դիմում ներկայացնել մարզպետարան` դրամական օգնություն ստանալու համար: