Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի է ունեցել Արմավիրի մարզային զորակոչային հանձնաժողովի հերթական նիստը
23.01.2019
ՀՀ Արմավիրի մարզպետ, մարզային զորակոչային հանձնաժողովի նախագահ Համբարձում Մաթևոսյանի մոտ այսօր տեղի է ունեցել մարզային զորակոչային հանձնաժողովի նիստը` մասնակցությամբ Արմավիրի մարզի զինվորական կոմիսարի, Ոստիկանության Արմավիրի մարզային վարչության պետի պաշտոնակատարի, Արմավիրի ռազմական ոստիկանության պետի:
Հանձնաժողովի նիստի օրակարգի շրջանակում Արմավիրի մարզի զինվորական կոմիսար Արսեն Համբարձումյանը ներկայացրել է 2018 թվականի ձմեռային զորակոչի ենթակա շարքային կազմի պարտադիր զինվորական ծառայության զորակոչից քաղաքացիների տարեկետման իրավունքից օգտվելու մասին եզրակացությունների տրամադրման և օրենքով չնախատեսված դեպքում քաղաքացուն տարեկետում տրամադրելու վերաբերյալ Հանրապետական զորակոչային հանձնաժողով առաջարկություն ներկայացնելու հարցը:
Զինվորական կոմիսարը հանդես է եկել նաև 2018 թվականի ձմեռային զորակոչի և կցագրման ուղղությամբ կատարված աշխատանքների վերաբերյալ տեղեկանք-զեկույցով, ապա տեղեկատվություն է ներկայացրել 2019 թվականի ձմեռային զորակոչի ընթացքի վերաբերյալ:
Ամփոփելով մարզային զորակոչային հանձնաժողովի նիստը` մարզպետ Համբարձում Մաթևոսյանը բարձր է գնահատել մարզում ձմեռային զորակոչը պատշաճ կերպով իրականացնելուն ուղղված աշխատանքները` հանձնաժողովի անդամներին հանձնարարելով հետևողականություն դրսևորել նիստի ընթացքում բարձրացված հարցերի նկատմամբ:
