Տեղեկատվական կենտրոն
Նորություններ
Մարզի առաջնահերթ լուծում պահանջող ծրագրի շրջանակում Ջանֆիդա համայնքում հիմնանորոգվում է խմելու ջրագծի ներքին ցանցը
12.03.2019
ՀՀ տարածքային կառավարման և զարգացման նախարարության համակարգմամբ շարունակվում են ՀՀ մարզերում ջրամատակարարման և ջրահեռացման, ոռոգման, կրթական, մշակութային, առողջապահական, ճանապարհաշինության, բնակարանաշինության, գյուղտեխնիկայի ձեռքբերման և այլ նպատակներով առաջնահերթ լուծում պահանջող հիմնախնդիրների հաղթահարման ուղղությամբ իրականացվելիք աշխատանքները։
ՀՀ Արմավիրի մարզում առաջնահերթ լուծում պահանջող ծրագրի շրջանակում Ջանֆիդա համայնքում սկսվել է խմելու ջրագծի 25 կմ երկարությամբ ներքին ցանցի հիմնանորոգումը, որի իրականացման համար 18 մլն դրամ հատկացվել է պետական բյուջեից, 2 մլն դրամի չափով էլ համաֆինանսավորվել է համայնքի բյուջեից: Ծրագրի արդյունքում համայնքի տնտեսությունների զգալի մասը կապահովվի որակյալ խմելու ջրով: