Տեղեկատվական կենտրոն
Նորություններ
Համապետական շաբաթօրյակին ընդառաջ
19.03.2019
Մարտի 23-ին նախատեսվող համապետական առաջին շաբաթօրյակին մաքրության և աղբահավաքության աշխատանքներ կիրականացվեն Արմավիրի մարզի բոլոր համայնքներում։
Շաբաթօրյակի շրջանակում կմաքրվեն և կբարեկարգվեն միջպետական, մարզային և համայնքային նշանակության ճանապարհների հարակից տարածքները, պատմամշակութային հուշարձանները, զբոսայգիները և հանրային նշանակության շենքերի տարածքները:
Այդ օրը նախատեսվում է մարզում առկա աղբանոցների հողածածկում, առանձին համայնքներում կիրականացվի նաև ծառատունկ:
Համապետական շաբաթօրյակին կմասնակցեն տարբեր կառույցներ ներկայացնող շուրջ 15 հազար աշխատակիցներ, այդ թվում` դպրոցականներ: Մաքրման և բարեկարգման աշխատանքների կազմակերպման նպատակով կներգրավվի 217 միավոր տեխնիկա` ինքնաթափեր, բարձիչներ, էքսկավատորներ, կցասայլեր:
Հղման միջոցով ներկայացվում են շաբաթօրյակի քարտեզագրված վայրերը` ըստ որոշ համայնքների: