Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետի մոտ տեղի է ունեցել քաղաքացիների հերթական ընդունելությունը
28.03.2019
ՀՀ Արմավիրի մարզպետ Համբարձում Մաթևոսյանի մոտ փոխմարզպետ Կարեն Գրիգորյանի և մարզպետարանի ոլորտային պատասխանատուների մասնակցությամբ այսօր տեղի է ունեցել քաղաքացիների հերթական ընդունելությունը, որին մասնակցել է նախապես գրանցված 5 քաղաքացի, ևս 3-ին էլ մարզպետն ընդունել է արտահերթ:
Քաղաքացիները մարզպետին դիմել են աշխատանքով ապահովման, մարզական խմբակի բացման և հողատարածքի ոռոգման հարցերի լուծմանն ընդառաջելու խնդրանքով: Ընդունելությանը գրանցված քաղաքացիներից մեկն էլ մարզպետին է ներկայացվել իր բարեգործական ծրագիրը:
Քաղաքացիների կողմից ներկայացված հարցերին մարզպետ Համբարձում Մաթևոսյանի կողմից տրվել են համարժեք լուծումներ և պարզաբանումներ: Եղել են նաև հարցեր, որոնց լուծման ուղղությամբ ոլորտային պատասխանատուներին հանձնարարվել է համապատասխան աշխատանքներ իրականացնել և ընթացքի մասին տեղեկություն ներկայացնել քաղաքացիներին:
Հիշեցնենք, որ մարզպետ Համբարձում Մաթևոսյանի մոտ քաղաքացիների ընդունելությունը տեղի է ունենում ամեն հինգշաբթի` սկսած ժամը 14:00-ից: Մարզպետի մոտ ընդունելության համար խնդրում ենք հերթագրվել մարզպետարանի քարտուղարության պետի մոտ:
