Տեղեկատվական կենտրոն
Նորություններ
Մարզպետ Համբարձում Մաթևոսյանն ացելել է ապրիլյան քառօրյա պատերազմում Արմավիրի մարզից զոհված զինվորների շիրիմներին
02.04.2019
2016 թվականի 2-ից 5-ը ղարաբաղյան շփման գծում տեղի ունեցած իրադարձությունները պատմության մեջ կմնան որպես քառօրյա պատերազմ: Թե ռազմական գործողությունների ծավալով և թե կիրառված զենքի ու զինտեխնիկայի հզորությամբ ու քանակով տեղի ունեցածն իրապես պատերազմ էր, որն ավելի քան 100 զինվորի կյանք խլեց:
Ապրիլյան քառօրյա պատերազմում հերոսաբար զոհված զինվորներից 8-ն Արմավիրի մարզից էին` Նիկոլայ Օսիպյան, Հովսեփ Կիրակոսյան, Գոռ Կիրակոսյան, Արամ Աբրահամյան, Արամայիս Միքայելյան, Սաշա Գալստյան, Բորիս Օզմանյան և Գառնիկ Ավետիսյան:
Մարզպետ Համբարձում Մաթևոսյանն այսօր այցելել է հանուն հայրենիքի պաշտպանության Արմավիրի մարզից զոհված զինվորների շիրիմներին` հարգանքի տուրք մատուցել նրանց հիշատակին:
Նա իր վշտակցությունն է հայտնել հերոսների ծնողներին, հարազատներին` նշելով, որ խոնարհվում է նրանց զավակների սխրանքների առաջ, որի արդյունքում այսօր ունենք անսասան սահմաններ և ապրում ենք խաղաղ երկնքի ներքո: