Տեղեկատվական կենտրոն
Նորություններ
Մարզպետի մոտ տեղի է ունեցել քաղաքացիների հերթական ընդունելությունը
04.04.2019
ՀՀ Արմավիրի մարզպետ Համբարձում Մաթևոսյանի մոտ փոխմարզպետ Կարեն Գրիգորյանի և մարզպետարանի ոլորտային պատասխանատուների մասնակցությամբ այսօր տեղի է ունեցել քաղաքացիների հերթական ընդունելությունը, որին մասնակցել է նախապես գրանցված 7 քաղաքացի, ևս 4-ին էլ մարզպետն ընդունել է արտահերթ:
Քաղաքացիները մարզպետին հիմնականում դիմել են սոցիալական աջակցության, զբաղվածության ապահովման, հողային հարաբերությունների կարգավորմանն ընդառաջելու խնդրանքով: Հարց է եղել նաև Արմավիրի տարածաշրջանում կարատե մարզաձևի զարգացման նպատակով դպրոցներում իրազեկման աշխատանքներ իրականացնելու և մարզադահլիճներն անվճար տրամադրելու թույլտվության վերաբերյալ:
Քաղաքացիների կողմից ներկայացված հարցերին մարզպետ Համբարձում Մաթևոսյանի կողմից տրվել են համարժեք լուծումներ և պարզաբանումներ: Հարցեր են եղել նաև, որոնց լուծման համար մարզպետի հանձնարարությամբ մարզպետարանի կառուցվածքային ստորաբաժանումների ղեկավարները լրացուցիչ ուսումնասիրություն կիրականացնեն, կգործակցեն նաև պատկան գերատեսչությունների հետ` ձեռնարկելով անհրաժեշտ միջոցառումներ:
Հիշեցնենք, որ մարզպետ Համբարձում Մաթևոսյանի մոտ քաղաքացիների ընդունելությունը տեղի է ունենում ամեն հինգշաբթի` սկսած ժամը 14:00-ից: Մարզպետի մոտ ընդունելության համար խնդրում ենք հերթագրվել մարզպետարանի քարտուղարության պետի մոտ: