Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի է ունեցել <<ՀԱԷԿ-ի միջուկային և ճառագայթային վթարների դեպքում բնակչության պաշտպանության միջոցառումների կազմակերպումը>> թեմայով շտաբային ուսումնավարժություն
11.04.2019
ՀՀ Արմավիրի մարզպետարանում այսօր տեղի է ունեցել <<ՀԱԷԿ-ի միջուկային և ճառագայթային վթարների դեպքում բնակչության պաշտպանության միջոցառումների կազմակերպումը>> թեմայով շտաբային ուսումնավարժություն` մասնակցությամբ Արմավիրի մարզպետ, ուսումնավարժության ղեկավար Համբարձում Մաթևոսյանի, Արտակարգ իրավիճակների մարզային հանձնաժողովի, մարզային փրկարար վարչության անձնակազմի, տարհանման հանձնաժողովի և մի շարք համայնքների ղեկավարների:
Ողջունելով ներկաներին` մարզպետը կարևորել է շտաբային ուսումնավարժությունների անցկացումը` դրանք համարելով բնակչության անվտանգության ապահովմանն ուղղված կարևոր միջոցառում. <<Մենք միշտ պետք է պատրաստ լինենք ցանկացած արտակարգ իրավիճակի դիմակայման` կատարելագործելով մեր գիտելիքներն ու հմտությունները>>:
Ոսումնավարժության նպատակն է ստուգել և կատարելագործել մարզի ղեկավար կազմի հմտություններն ու ունակությունները միջուկային և ճառագայթային վթարների դեպքում աղետի գոտու բնակչության պաշտպանության միջոցառումների ղեկավարման գործում, ինչպես նաև ճշտել վթարային հակազդման կազմակերպությունների և արձագանքող ուժերի առկա հնարավորությունները և փոխհամագործակցությունն արտակարգ իրավիճակներում առաջացած խնդիրների դեպքում:
